Þessi frjósemisþjálfun stendur yfir í tvo mánuði og hittumst við í þrjú skipti. Hver fundur tekur ca. 1-1,5 tíma (samtals 4 tímar) og er blanda af dýrmætum upplýsingum um frjósemi og greiningu á gögnunum ykkar. Þið getið einnig fengið aðstoð við úrvinnslu næsta tíðablaðs, óskið þið þess.

Æskilegt er að verðandi foreldrar taki þátt saman.

ÞESSI VEGFERÐ ER FYRIR YKKUR:
• Ef þið eruð í upphafi þess ferðalags að reyna að eignast barn.
• Ef þið viljið læra að greina hvenær frjósemi er sem mest.
• Ef þið viljið dýpka núverandi þekkingu á frjósemi.
• Ef þið viljið hagræða tímasetningu og verða ólétt. Sérstaklega ef tækifærin til að geta barn eru takmörkuð vegna vinnu-/ búsetu-/ sambandsaðstæðna.

ÞESSI VEGFERÐ ER EKKI FYRIR YKKUR:
• Ef þið eruð að glíma við þekkta tegund tíðavandamála eða frjósemiserfiðleika og eruð nú þegar í læknismeðferð.

• Ef þið viljið iðka frjósemislæsi til getnaðarvarna.

Athugið að þetta námskeið getur ekki tryggt þungun. Það getur aðeins aukið líkurnar á getnaði. Hér getið þið lesið meira um líkur á þungun.